8 martxoa: Emakumeen Nazioarteko Eguna

2026/03/06

Gaur ikastetxean Emakumeen Nazioarteko Eguna ospatu dugu, berdintasunaren inguruan hausnartzeko eta aldarrikatzeko hainbat jardueraren bidez.

Lehen Hezkuntzako 6. mailako ikasleek manifestu bat irakurri dute, eta esteka honetan partekatzen dugu nahi duenak irakur dezan. Gainera, ikasleak eta irakasleak morez jantzita etorri dira, egun honi babesa adierazteko.

Denon artean horma-irudi kolektibo bat sortu dugu, ikasleen eta irakasleen bizitzan garrantzitsuak diren emakumeen argazkiekin, gure egunerokoan emakume erreferenteek duten garrantzia azpimarratzeko.

Amaitzeko, ikastetxeko atarira atera gara eta elkarrekin abestuz aldarrikatu dugu egun honen mezua.

Berdintasunean heztea etorkizun justuago bat eraikitzeko lehen urratsa da